''განაგემ'' GITA-ს თანადაფინანსების გრანტების პროგრამაში 100 000 ლარი მოიპოვა Ganage - ყველა სადაზღვევო შეთავაზება და სასარგებლო ინფორმაცია ერთ სივრცეში
You're reading BIZ Experiences Georgia, an international franchise of BIZ Experiences Media.
28 სექტემბერს, საქართველოს ინოვაციებისა და ტექნოლოგიების სააგენტოს (GITA) მიერ ჩატარებულ 100,000 ლარიანი საგრანტო პროექტის ფინალში კომპანია "განაგემ" გაიმარჯვა.
"განაგე" ციფრული პლატფორმაა, რომელიც აერთიანებს ყველა სადაზღვევო შემოთავაზებას ერთ სივრცეში. კომპანია სულ რამდენიმე თვეა, რაც ბაზარზე ოპერირებს და უკვე საკმაოდ დიდი წარმატება მოიპოვა. "განაგე" 14 ქართული სადაზღვევო კომპანიის პარტნიორია და სწორედ ამ კომპანიების შემოთავაზებები იქნება წარმოდგენილი ვებ გვერდზე - gana.ge
ცოტა ხნის წინ, 2021 წლის 14 სექტემბერს, "განაგე" ევროპული ბიზნესის ასოციაციის EBA Georgia-ს წევრი გახდა.
"განაგეს" მიზანია სადაზღვევო ინდუსტრიის დემოკრატიზაცია გაციფრულების მეშვეობით. რაც, თავისთავად გულისხმობს დაზღვევის ყიდვის პროცესის გამარტივებას და ხელმისაწვდომობას.
გარდა ამისა, კომპანიამ დაზღვევის ცნობადობის ამაღლების მიზნით შექმნა საგანმანათლებლო პლატფორმა "დაზღვევა ორ სიტყვაში", სადაც საინტერესო და გასართობი გზით ახსნილია სადაზღვევო პროდუქტები და სასარგებლო რჩევები.
